శ్రీరాముడి జన్మస్థలం అయోధ్య.. దీపావళి దీపాల కాంతులతో కొంగొత్త శోభను సంతరించుకుంది. రామ భక్తులు చేస్తున్న ‘జై శ్రీరామ్‌’, ‘భారత్‌ మాతా కీ జై’ నినాదాలతో మార్మోగిపోతోంది. ఉత్తర ప్రదేశ్‌ ప్రభుత్వం ప్రతిష్టాత్మకంగా తీసుకుని నిర్వహించిన మెగా దీపోత్సవం కన్నుల పండువగా జరిగింది.
ఈ కార్యక్రమానికి యూపీ సీఎం యోగి ఆదిత్యనాథ్, గవర్నర్‌ రామ్‌ నాయక్, కేంద్ర సాంస్కృతిక మంత్రి మహేశ్‌ శర్మ తదితరులు హాజరయ్యారు. దీపోత్సవంలో భాగంగా నదీ తీరంలో 1.71 లక్షల మట్టి ప్రమిదలను వెలిగించారు. రామాయణంలోని వివిధ పాత్రలను కళాకారులు ధరించారు.
